Atzo Azkoitian, eta Udalaren "Inmigrazio Plana 2011-2016" aurkezpen ekitaldien barruan, Xabier Aierdi EHUko irakaslea soziologian, hitzaldi bat eman zuen inmigrazioari buruz Elkargunean.
30 inguru entzuleen artean gehiengoa EPAko ikasle eta irakasleak ziren, horien artean pakistandar asko. Alkatea eta komunikabideetako kazetari batzuk ere aurkitzen ziren.
Aierdik azaldutako idea nagusiak esaldi hauetan laburbilduko ditugu:
- Eredu Quebec-tarra du gustokoen: Elkarbizitza Jasangarria (hau da, gutxienez errespetatu gaitezen).
- Interkulturalitatea prozesu oso luzea da: ezin dugu hori planteatu epe motzera (lehenik multikulturalitatea barneratu behar dugu.
- Euskal Herriak oso oinarri onak ditu (soziologikoki) gatazkak sor ez daitezen.
- Konpetentziak Estatuek dute, eta hori, traba da.
- Euskal Herrian Urola Erdia eta Lea-Artibai dira eskualde aproposenak hizkuntza proiektu berritzaileak planteatzeko (ehuneko 85etik gorako populazio euskalduna).
- Euskal nazionalistak dira Euskal Herrian etorkinekiko jarrera hobea dutenak.
- Tentu handiz ibili behar da gai honekin gatazkak ekiditeko, ez dira onargarriak "gabinete de ocurrencias" sortzea instituzioetan.
- Etorkinek lidergo fuerteak sortu behar dituzte instituzioekin eta gizarte agenteekin interlokuzioa eramateko. Bere lehentasun nagusiak zein diren definitu eta adostu.
- Instutuzioak baliabideak jarri behar dituzte etorkinak bertako hizkuntza menderatu dezaten. Garbi izan behar dugu hizkuntzak "inposatu" egiten direla. Eta inposizio hau beraientzat mesedegarri ez ezik, ezinbestekoa da.
Beste zenbait gauza eta datu azaldu zituen: azken hamarkadaren etorkinen kopuruak, langabezia, dugun demografia arazoak...
Entrevista a Xabier Aierdi sobre inmigración realizada por Pello Aierbe en la revista Zutik en verano del 2005.
